ازاي تستلم ديكورات جبس بورد

خلي بالك من النقط دي لو هتتعامل بنفسك مع صنايعيه

  الشرب لازم السقف يبقي مضبوط موزون و افقي زي الارضيات كده مش مايل .. ولو السقف فيه ميول و مش مظبوط هتظهر عيوب كتير لو اشتغل عليه بالوضع دا .. في الحالو دي عندك حلين .. انك تعالج السقف بالمحارة و يشتغلها بؤج و اوتار زي ما شرحناها قبل كدا .. او انك تشد السقف كله جبسمبورد فلات و يبقى موزون و تعمل عليه اي شكل بعد كدا و تقدر تستلم ده بميزان ميه بيتباع عند اي موان .

الشاسيهات ( الشبكة الحديد ) بتكون من الصاج اللي بيتثبت عليها الواح الجبس لازم ماتبعدش عن بعض اكتر من ٦٠ سم وخلي بالك دي الي بتفرق سعر صنايعي عن التاني .. وليها 3 انواع c و اوميجا و زاوية L .. مهم يكون في المرحلة دي مهندس لأن دي من اكتر اسباب الشروخ بعد كدا .

 لازم تتاكد ان كل الفواصل اتثبت عليها شريط فايبر قبل المعجون عشان ميحصلش شروخ و تنميل بعد كده